Thrissur On A Cycle ക്ലബ്ബിന്റെ നേതൃത്വത്തിൽ 17-12-2017 ന് കണ്ണോത്ത് കോൾ പാടത്ത് ഉജ്ജ്വല സൈക്കിൾ സ്പീഡ് റേസ് മത്സരം നടന്നു.
ഗിയർ ഉള്ളതും ഇല്ലാത്തതുമായ വിഭാഗങ്ങളിൽ നടന്ന മത്സരത്തിൽ നൂറോളം പേർ പങ്കെടുത്തു. ആവേശതിരകളുയര്ന്ന മത്സരത്തിൽ പ്രായ ലിംഗ ഭേദമന്യേ നിരവധി പേർ പങ്കെടുത്ത് ഈ പരിപാടി ഒരു വൻ വിജയമാക്കി. 15 വയസ്സിനു മുകളിലുള്ളവർക്ക് 13കിലോമീറ്റർ ദൂരപരിധിയിൽ നടന്ന മത്സരം സ്ഥലം MLA ശ്രീ മുരളി പെരുനെല്ലി ഫ്ലാഗ് ഓഫ് നിർവഹിച്ചു.
![](https://i0.wp.com/blog.kole.org.in/wp-content/uploads/2018/01/25398262_1398697546920201_8987906193449043890_o.jpg?resize=640%2C426&ssl=1)
ഒന്നും രണ്ടും മൂന്നും സ്ഥാനം നേടുന്ന വിജയികൾക്ക് യഥാക്രമം 3000, 1000,500 എന്നിങ്ങനെ ക്യാഷ് അവാർഡുകൾ ഉണ്ടായിരുന്നു. പതിനഞ്ചോളം സ്ത്രീകളും കുട്ടികളും പങ്കെടുത്തു.
![](https://i0.wp.com/blog.kole.org.in/wp-content/uploads/2018/01/25438901_1398698666920089_5977195655951862126_o.jpg?resize=640%2C480&ssl=1)
![](https://i0.wp.com/blog.kole.org.in/wp-content/uploads/2018/01/25487155_1398700140253275_484060456347225913_o.jpg?resize=640%2C480&ssl=1)
വ്യായാമത്തിനും വിനോദത്തിനും മാത്രമല്ലാതെ, സൈക്കിൾ ജനങ്ങളുടെ നിത്യജീവിതത്തിലേക്ക് തിരിച്ചുകൊണ്ടുവരുക എന്ന ലക്ഷ്യമാണ് ഇതു പോലുള്ള പരിപാടികൾ സംഘടിപ്പിക്കുന്നതിലൂടെ തൃശൂർ ഓൺ സൈക്കിൾ കൂട്ടായ്മ ലക്ഷ്യമിടുന്നത് .
![](https://i0.wp.com/blog.kole.org.in/wp-content/uploads/2018/01/25487583_1398697606920195_7253982607675620478_o.jpg?resize=640%2C480&ssl=1)
സൈക്കിൾ നിത്യജീവിതത്തിന്റെ ഭാഗമാവുന്നതോടെ ജനങ്ങൾ കൂടുതൽ ആരോഗ്യമുള്ളവർ ആവുക മാത്രമല്ല , വാഹന മലിനീകരണം,റോഡ്കളിലെ അനിയന്ത്രിതമായ തിരക്ക്, റോഡ് അപകടങ്ങൾ എന്നിവ കുറയുകയും തദ്വാരാ വിഭവങ്ങളുടെ ക്രിയാത്മകവും ഭാവനാപൂർണവുമായ ഉപയോഗം സാധ്യമാക്കുകയും ചെയ്യും.
![](https://i0.wp.com/blog.kole.org.in/wp-content/uploads/2018/01/25394980_1398699783586644_5835128021517740108_o.jpg?resize=640%2C480&ssl=1)
![](https://i0.wp.com/blog.kole.org.in/wp-content/uploads/2018/01/25398499_1398697813586841_2136198670989696350_o.jpg?resize=640%2C480&ssl=1)
![](https://i0.wp.com/blog.kole.org.in/wp-content/uploads/2018/01/25353604_10210873591222244_278235510499455867_n.jpg?resize=640%2C853&ssl=1)
കോൾ നമ്മുടെ പൈതൃക സമ്പത്താണ്…. അടുത്ത തലമുറകൾക്ക് ഇത് അതേപടി കൈമാറേണ്ടത് നമ്മുടെ കർത്തവ്യവും.