Thrissur On A Cycle ക്ലബ്ബിന്റെ നേതൃത്വത്തിൽ 17-12-2017 ന് കണ്ണോത്ത്‌ കോൾ പാടത്ത്‌ ഉജ്ജ്വല സൈക്കിൾ സ്പീഡ് റേസ് മത്സരം നടന്നു.
ഗിയർ ഉള്ളതും ഇല്ലാത്തതുമായ വിഭാഗങ്ങളിൽ നടന്ന മത്സരത്തിൽ നൂറോളം പേർ പങ്കെടുത്തു. ആവേശതിരകളുയര്ന്ന മത്സരത്തിൽ പ്രായ ലിംഗ ഭേദമന്യേ നിരവധി പേർ പങ്കെടുത്ത്‌ ഈ പരിപാടി ഒരു വൻ വിജയമാക്കി. 15 വയസ്സിനു മുകളിലുള്ളവർക്ക് 13കിലോമീറ്റർ ദൂരപരിധിയിൽ നടന്ന മത്സരം സ്ഥലം MLA ശ്രീ മുരളി പെരുനെല്ലി ഫ്ലാഗ് ഓഫ്‌ നിർവഹിച്ചു.
ഒന്നും രണ്ടും മൂന്നും സ്ഥാനം നേടുന്ന വിജയികൾക്ക് യഥാക്രമം 3000, 1000,500 എന്നിങ്ങനെ ക്യാഷ് അവാർഡുകൾ ഉണ്ടായിരുന്നു. പതിനഞ്ചോളം സ്ത്രീകളും കുട്ടികളും പങ്കെടുത്തു.
വ്യായാമത്തിനും വിനോദത്തിനും മാത്രമല്ലാതെ, സൈക്കിൾ ജനങ്ങളുടെ നിത്യജീവിതത്തിലേക്ക് തിരിച്ചുകൊണ്ടുവരുക എന്ന ലക്ഷ്യമാണ് ഇതു പോലുള്ള പരിപാടികൾ സംഘടിപ്പിക്കുന്നതിലൂടെ തൃശൂർ ഓൺ സൈക്കിൾ കൂട്ടായ്മ ലക്ഷ്യമിടുന്നത് .
സൈക്കിൾ നിത്യജീവിതത്തിന്റെ ഭാഗമാവുന്നതോടെ ജനങ്ങൾ കൂടുതൽ ആരോഗ്യമുള്ളവർ ആവുക മാത്രമല്ല , വാഹന മലിനീകരണം,റോഡ്കളിലെ അനിയന്ത്രിതമായ തിരക്ക്, റോഡ് അപകടങ്ങൾ എന്നിവ കുറയുകയും തദ്വാരാ വിഭവങ്ങളുടെ ക്രിയാത്മകവും ഭാവനാപൂർണവുമായ ഉപയോഗം സാധ്യമാക്കുകയും ചെയ്യും.
കോൾ നമ്മുടെ പൈതൃക സമ്പത്താണ്…. അടുത്ത തലമുറകൾക്ക് ഇത് അതേപടി കൈമാറേണ്ടത് നമ്മുടെ കർത്തവ്യവും.